mun an rèidh
ri làr an doire, sreath
dìreach de phiollagan-achaidh

Yamamoto Shuka

gun fhios agam ann
air an ainmean,
mi a' buain shìthean san rèidhlean

Yamada

dh'fhàs an sgal-creige
na dhuine -
murran-mòr uaine

an rèiteach, boglach,
capall-coille, cearc-fhraoich
is tuath air a thrèigsinn buileach

Yoko Ogino

uisge-failcidh teth
fuar air a' chliathaich gun chìoch
tàirneanaich as t-earrach

mo laochan air a bhreith
Là Nollaig’ is an fhàire ri briseadh –
teàrnadh

Teijo

duilleagan air an seargadh,
cuid briste, cuid gun a bhith,
air bhog ann an uisg' an earraich

a Thighearna Mhòir!
a-muigh air a’ bhlàr
Là Nollaig’ a’ gearradh an fheòir

Tayo-jo

daoine tighinn, daoine falbh,
gaoth an earraich
air a' bhruach

a’ cur thuige ‘n teine
le The Star oidhche,
mìrean a’ falbh don àile

Taguchi

losgann
a' leum a-steach do lòn
cù a' comhartaich ris a' chaitean

a’ cur thuige ‘n teine
ri moch na maidine,
grian air fàire

Tagaki

air uisgeachan an earraich,
dh'fhalbh smuain air leth
leis an t-sruth

na lèine,
bualadh na sgèine
‘s Aithris na Maidine

Tadao Okazaki

gu slaodach bidh mi bogadh
mu làmhan fo chràdh
as t-earrach air an aonach

air an Tairbeart oidhche gun tàmh
agus, a cheart cho luaineach,
an Hebrides ri caladh

Tadao Izawa

fitheach-dubh
a' feitheamh
ri cìochan na caillich

an aois, an solas geal
agus mo shùil
ris an tràigh thall

Suju

eòin sa chuan
a' tarraing nan lìon
gu dripeil eatorra fhèin

Kyoto fo dhìle fad an t-samhraidh
‘s an Dùbhlachd an uair sin cho blàth,
saijiki a’ dol a dholaidh

Soseki

dà thaigh;
dà sheileach;
àite-fuirich

soillseachadh ris an oidhche,
teine-biorach mun uisge
‘s na croinn air an fhàire

Sokan

a' cur nan làmhan
còmhla - gille-cràigein
ag aithris dàin

mun àirigh
dhan togadh an sluagh an imrich,
crodh Gàidhealach gun charachadh

Sogi

sneachda gun a bhith air falbh,
leòid na beinne ceathach
feasgar as t-earrach

deireadh an fhoghair,
na Granny Smith’s fhathast am bàrr
anns an lios mun cluicheadh iad uair

Sogetsu-ni

na speuran a' glanadh,
an sneachda 's a' ghealach
air an aon dath