soillseachadh ris an oidhche,
teine-biorach mun uisge
‘s na croinn air an fhàire

Kyoshi

a' falbh a-mach air an doras
às dèidh feasgar anns an eaglais -
dìthean a' fàs

mun àirigh
dhan togadh an sluagh an imrich,
crodh Gàidhealach gun charachadh

Kobayashi

fras a chlisgeadh
mi a' marcachd gun aodach
air muin eich gun fhionnadh

deireadh an fhoghair,
na Granny Smith’s fhathast am bàrr
anns an lios mun cluicheadh iad uair

Kamakura

am bodach marbh,
clach ga caitheamh
thairis air abhainn as t-earrach

aig an taigh, tobhta
‘s dìosgan còmhla,
snighe-dubh ‘s tighinn-fodha

Issa

abair sàmhach!
gu domhain san loch,
sgòthan a’ brùchdadh

ann an Innis Tìle,
gann mìle mìle
air ais a dh’Ì le

Buson

deireadh an earraich –
am bàrd a’ meòrachadh
mu luchd-deasachaidh

bodach agus brèideag
aig tàmh ann am Port Asgaig
a’ feitheamh air an aiseag

Basho

claban
ris ann an achadh nam inntinn -
a' ghaoth a' tolladh mo cholainn

an Cùl na Beinne,
gun taigh gun duine,
tuath-gaoithe

Soseki

tha ‘n fheannag air falbh:
ann an grèin an fheasgair a’ luasgadh,
craobh gun duilleach

agus, as t-oidhche,
ri breithneachadh ri sgàile
gun aithne san sgàthan bhriste

Sokan

fiù ‘s nuair a bh ‘m bodach
na shìneadh is gu bhith marbh,
lean mi orm a’ bramadaich

a’ sealltainn thar Chaolas Shlèite
ris an aon aiseag mun fhàire
‘s a bh’ ann o chionn uair a thìde

Sogi

am faic sinn an t-àm a-chaoidh
a bheir do rìoghachd sìth
do gach sruth ‘s bruthach?

Shiki

bruthainn eagallach -
tha m' inntinn 's i na tuainealaich
ag èisteachd ris an tàirneanaich

àm na Nollaige –
teaghlach tàmhach ri chèile
ri cois na cagailte brèige

Santoka

gun chàil chruthaichte
ri ithe
an-diugh ri èirigh na grèine

mun an rèidh
ri làr an doire, sreath
dìreach de phiollagan-achaidh

Ryokan

a’ dol air faoighe ‘n-diugh san earrach,
stad mi gus bròg-na-cuthaig’ a spìonadh –
och, an là air falbh!

Onitsura

soirbheas;
lìonar flathanas
le guth nan giuthas

an rèiteach, boglach,
capall-coille, cearc-fhraoich
is tuath air a thrèigsinn buileach

Kyoshi

air a chur fo thàire
le sùil na h-iolaire -
fear anns a' bhuaile

a Thighearna Mhòir!
a-muigh air a’ bhlàr
Là Nollaig’ a’ gearradh an fheòir

Kyorai

balaich an iasgaich air falbh
's an cladach air fad falamh -
tonn-a'-chladaich

a’ cur thuige ‘n teine,
gaoirsinn coire,
lite