Kamakura

an t-achadh
far nach fhaod mi itealaich,
am feur ann cho milis ri cagnadh

Issa

le bodach agus cailleach,
e a’ fuireach a-staigh –
là nam blàth

Buson

feur a' seargadh,
teachdaire-sionnaich
a' gabhail seachad gu luath

Basho

air meanglan 's gun duilleach air,
feannag air an spàrr -
feasgar as t-fhoghar

Santoka

nuair a thèid mi dhachaigh,
luibhearnach,
uisge ri sileadh

Kamakura

a’ bhreug air a bheil fear is bean:
mi a’ losgadh an arain
air cho fann

Issa

na geòidh a bha mun àirigh
ri siubhal gu tuath –
là sona san earrach

Buson

aig dol-fodha-na-grèine,
ri losgadh air a' choileach-choille
faisg air fuaran an t-slèibhe

Basho

cho dòrainneach!
fo chlogaid an fhir-chogaidh,
pìobaire-teallaich a’ bìogadaich

Santoka

tha mo chridhe fo èislean –
tha na h-aonaichean ‘s an cuan
tuilleadh is àlainn

Ryokan

an d’rinn thu dearmad air an t-slighe dha mo bhothan?
gach oidhche mi a’ feitheamh ri do chasan
is chan eil thu tighinn

Kamakura

agus iad gun a bhith abaich,
boinneagan-uisge ri cromadh
air an talamh

Issa

eadar mhìth ‘s mhath
air tuiteam leis an daoraich –
sgàil nam blàth

Buson

a' bualadh leis an tuagh,
chaidh clisgeadh a chur orm leis an fhàileadh
sa gharran sa gheamhradh!

Basho

os cionn an aonaich
gun cheangal ri nì sam bith,
uiseag a’ ceileireadh

Soseki

a-steach ann am buaile
nan sìthean buidhe,
dol-fodha-na-grèine-deirge!

Santoka

a’ briseadh
nan geugan marbh
gun a bhith smaoineachadh air sgath

Ryokan

ri puirt-à-beul ‘s ri ball-coise
còmhla sa bhuaile –
dithis neach is an aon chridhe

Kamakura

a' crochadh mo phèitein air meanglan
is a’ gairm an uair sin
air neòil sa Ghearran

Issa

bùirich –
a-mach às a’ cheathach,
crodh ‘g èirigh

Buson

dìtheanan aig meadhan-latha;
fad tiota
gàir na mara

Basho

cà robh fras a' gheamhraidh?
le sgàil-uisge na làimh,
manach a' tilleadh

Soseki

seadh, is mithich a bhith a' dèanamh
air na plaidichean, ach –
gealach ud an t-samhraidh

Santoka

èirigh na grèine
‘s a’ ghrian ri laighe
gun chàil ri ithe

Ryokan

mo chridhe ri plosgartaich
is chan urrainn dhomh cadal a dhèanamh –
‘s e a-màireach a’ chiad là den earrach!

Kamakura

neach a’ coiseachd air mo bheulaibh
a’ tionndadh a-mach à sealladh –
dreach-geamhraidh

Issa

soinneanta ‘s ciùin,
gille-cràigein
a’ sealltainn air a’ bheinn

an t-Sràid Àrd ann an Dùn Èideann
a' chiad char sa mhadainn,
cianalas is faoileagan

Buson

uisg’ air còinneach
is na làithean a' tilleadh
a bha cho geal san àm a dh’fhalbh

Basho

san oidhche, gu sàmhach -
durrag ann an soillse na gealaich
a' cladhach ann an cnò-gheanmnaidh

Soseki

gealach làn an fhoghair -
tha mi fhìn math gu leòr
cuideachd, thoir fa-near