air a’ bhus, a’ sealltainn
air a’ Mhuir Mharbh na h-aon raon
Là Buidhe Bealltainn

Santoka

ma reiceas mi m' aodach
airson sakè a cheannach –
fhathast aonaranach?

sanas air an t-slighe
You Are Here –
nach b’ fheàrr leam gun robh mi aig baile

Issa

abair fionnar –
a-rithist on taobh an iar,
fras anns an fheasgar

san taigh-òsta nam lèine nam fhallas,
a’ coimhead air Dallas,
a’ cluich òrain le Maria Callas

on Ben Lui and Ben Macdui,
i think of T’ao Chi’en and Du Fru, i
think of Lu Yu and shan-shui

Buson

thar nan soithichean
fuaim ceum nan rodan -
am fuachd a th' ann!

clisgeadh – air oir an fhàsaich,
gun charachadh,
muileann-gaoithe na seasamh

listening to Bach and even
Warren Zevon,
I still think of Kinlochleven

Basho

fhathast air mhaireann,
air an t-slighe 'n aon tùdan,
seilcheagan-cuain

eun-bruidhinn
air an spiris air meanglan
air craoibh nach maireann

now there was a man apart –
the late Farquhar Urquhart
from Lochluichart!

Santoka

a’ ghealach ag èirigh,
chan eil mi a' feitheamh
ri càil sam bith

bonnan-ceò san fhionnairidh,
uidh air n-uidh
an saoghal a’ dol às an t-sealladh

panic attack –
old anorak
down in the bladder-wrack

Air tòrradh. Chan fhada gus am bi 'n tè a bh' ann fon talamh.
Seall! Na h-uinneagan dathte. Na h-aodannan 's na suidheachain a tha falamh.

deireadh na Sultaine,
bu chòir dhomh sgairt a chur oirre -
Na Duilleagan Buidhe

curach ga togail aig bodaich
is ga giùlan sìos an tràigh -
sagart agus tiodhlacadh

abair gu bheil iad a’ cur ris –
na Fir Chlis
mu Shlighe Chlann Uis

air falbh ann an dùthaich chèin
ris an t-sangria ris a’ ghrèin
ga mo dhalladh fhèin

sgaireagan ‘s farspagan air bhàrr na fairge
feasgar far Chape Verde -
coladera! saudade!

na gillean-cràigein
a’ sìolachadh, a’ dol donn
a-nis agus an t-uisg’ ann

abair cuideachd – ri fàrsan
anns a’ bheinn
ri còmhradh beag rium fhìn

chan fhaic mi 'n dara cuid dhen bheinn
leis na th’ ann de chaochain
a’ nochdadh gun fhiosta na broinn

a’ tilleadh anns an reothadh,
a’ tuiteam turach-air-tharach
is a’ gabhail balgair! air a’ ghealaich

nam shuidh’ air drochaid nam thàmh
sa ghrèin gun chionag ruadh –
am mair an toileachas seo gu sìorraidh?

Santoka

seo an t-earrach
bòidheach taobh
ris a' chladh

Kamakura

siubhadaibh, eunlaith!
togaibh an imrich
mus fhàs an solas guineach

Issa

cia mheud neach
a’ feitheamh ris an fhionnairidh?
wisteria fo bhlàth

Buson

abair gealach -
tha 'm meirleach
a' stad gus òran a ràdh

Basho

air bealach na beinne,
air dòigh air choreigin a' draghadh air mo chridhe:
bròg-na-cuthaige

Santoka

gu deireadh ùine,
air mo shlighe
ri gearradh ìnean coise