Nollaig is a' chlann air èirigh
's a' sireadh na dh'fhàg am bodach -
gormanaich

a chlisgeadh, cearc-fhraoich
ar èirigh 's a' falbh cho luath
's cho dlùth ris an talamh

Basho

a’ ghealach làn,
mi ri siubhal mun lòn –
tha càil an latha air tighinn

Issa

na bèisteagan air an taobh a-muigh
cuideachd ri borbhanaich –
taigh ‘n lùib nan craobh

a monk on the hill
chants his beads; yon moon is full
on the Sound of Mull

Buson

dath 's fàileadh
riochd a chunnacas a' falbh -
fàgail an earraich

Basho

toiseach na Sultaine –
raon, fairge,
aon uaine

Issa

dealan-dè ‘s tarbh-nathrach
air an sèideadh air falbh –
mial-bramadaich

Buson

an-dè air tighinn gu crìch,
an-diugh a-rithist bidh crìochnachadh -
an t-earrach a' falbh

Basho

a’ fàgail soraidh,
le grèim agam air connlach
mar thaic dhomh

Issa

daoine falbh,
deich mìle lòchran a’ bàsachadh –
langananaich nam fiadh

Buson

an t-aodach cùbhraidh
fhathast gun a bhith air a chur air falbh -
beul na h-oidhche san earrach

71/72 was it? - all I remember
of that particular November
is Chris Garland and Steve Kember

a man like Bertolt Brecht
falls on the street in Dunecht -
it's a sair fecht

Basho

aghaidh nam bodach
a tha cho measail air an deoch –
dealanach

Issa

suas an sruth, baile,
dìreach fad ùine,
cleasan-teine

Buson

thar nan soithichean
fuaim ceum nan rodan -
am fuachd a th' ann!

an aon cheòl air cùl an taighe -
cailleach-oidhche sa choille
's coileach-gaoithe ri càil na maidne

Basho

cnap-gaoithe sa gheamhradh –
gruaidhean air an at gu cràiteach,
aodann fireannaich

Issa

taigh mo leannain,
air a chùl raon
làn de dhìtheanan

Buson

abair gealach -
tha 'm meirleach
a' stad gus òran a ràdh

Seòladh
(Liu Xiaobo)

Mus tèid sibh don taigh chaol,
Feuch an sgrìobh sibh dham ionnsaigh
Le ur luath,
Feuch am fàg sibh
Ur seòladh
Anns an t-saoghal ìseal.

Basho

iasgach nan sgarbh:
abair suathadh,
abair dòrainneach

Issa

luchd-siubhail air an slighe
‘s èirigh na grèine –
saoghal driùchd na maidine

Buson

mìltean de reothadh -
air an loch,
's ann leam fhìn a tha ghealach

Basho

gealach-an-abachaidh –
an tìde sa cheann a tuath
cho caochlaideach!

chunnaic mi bhuam air Cnoc na Buaile Càrnaich
carraighean-cuimhne sa chamhanaich
(no 'n e bh' agam caoraich gun charachadh?)

Issa

neul-uisge
‘s e cleith na beinne –
fuachd anns an oidhche

Buson

feur a' seargadh,
teachdaire-sionnaich
a' gabhail seachad gu luath

Basho

na laighe nas àirde
na ‘n uiseag anns an àile,
bealach-beinne

Issa

a’ gul na aonar,
an t-eun gun mhàthair –
duibhre foghair

Buson

aig dol-fodha-na-grèine,
losgadh air a' choileach-choille
làimh ri fuaran an t-slèibhe

Basho

am baile far an deach mo bhreith –
mar a shileas mi mu mo chaolan imleagach
a’ bhliadhn’ a’ tighinn gu crìch