cruth bhuam air astar

          is an uair sin gun sgeul air –

                   geàrr

sa choille-challtainn

          cùl rinn sa Chèitean,

                   cat-cinn, caitean

na mo leabaidh sa mhadainn,

          a’ tuiteam air ais nam shuain

                   agus Checkov agam air mo bhilean

scáth solais ag dealramh

          i gcumhdach le gruaimhín an bhealaigh

                   mar a bhfuil ór Muire faoi bhláth

sliabh a’ nochdadh thall ud

          is uisgeachan Iòrdain a’ sruthadh seachad –

                  Gilead

beum-slèibhe sa bhealach

          far an rachamaid a’ sìtheadh

                   nar linn leis a' bhruthaich

tòrradh feasgar Diluain,

          clachan taobh ris a’ chuan,

                   ciùin agus làn

na beannachdan àbhaisteach aig an tòrradh aig an doras: tha mi duilich, chan eil guth ri ràdh

bog braonach mar is dual ar maidin,
préachán anuas ón gcrann
is muid ag siúl beirt ar an mbán

dol-fodha-na-grèine ‘s an t-sìorraidheachd
air cuairt ghoirid
os cionn Beinn a’ Bhràghad

Dihaoin’ a’ Cheusta leam aig baile,
mo ghaol air taobh thall na Maoile
‘s na taighean-seinnse dùinte


ann an dachaigh nan sean anns a' Ghearastan,
duineachan ris an uinneig a’ sealltainn
a-mach air a’ bhearradh os a chionn

ann an Helmand air ùir air a seacadh,
fear ag iomain a chuid chaorach
tro bheàrn air cho beag anns a’ ghàrradh

na làithean a’ falbh air mo bheulaibh
‘s na dathan, geal, dubh, dubh
‘s buidheachas mu dheireadh

ìsle-làin ‘s mnathan air an glùin
ann an sreath sna faochagan
mar ghrìogagan air paidirean

Aon turas, an taobh thall nan sùmainn,
Fhuair mi dalladh
De dh' eun geal
Is thuit mi an gaol
Leis a' mhearan
A bhios ga thathaich.

(Akiko)

Agus mi air ceann mo thurais
A thoirt a-mach mu dheireadh thall,
Tha mi mothachail
Gu bheil mi air a bhith nam dhall
Air nach eil eagal
Bhon dorchadas.

(Akiko)

'S mi a' dlùthachadh
Ri baile na beinne
Tro chamhanaich an earraich,
Bidh mi a' cluinntinn clag dol-fodha-na-grèine
'S e a' bualadh
Tro bhileagan a' falbh le gaoith.

(Noin)

Feumaidh mi dealachadh riut
Ach ma chluinneas mi fuaim
Nan giuthas a tha fàs
Mu Loch an Tuim,
Thig mi air ais
Anns an spot.

(Aiwara no Yukihira)

Bidh mi ri laighe
Gu ruig' eadradh-na-maidne
'S ag èisteachd ri balaich na h-aibhne
'S iad ag iomradh air Allt na Bèiste.

(Yakamochi)

dè tha e smaoineachadh ris fhèin,
ag iasgach is am feasgar a’ teireachdainn,
am bodach air gob Leac nan Uan?

Cuthag a' gaoirsinn.
Nuair a sheallas mi chan eil ann
Ach a' ghealach a' cùlachadh
Tràth sa chamhanaich.

(Fujiwara no Sanesada)

D. H. Lawrence

Thuig sibh an gaol san fhuath,
Thuig sibh a’ ghràin ud nach gabh
Gaol sam bith snìgheadh na bhroinn.
Thuig sibh na riaghailtean
A bha còir aca briseadh
Agus thuig sibh ‘n riaghailt agaibh fhèin
Nach robh còir briseadh
Is nach do bhris sibh idir ann –
Ged nach do dh aithnich luchd-riaghailt sibh
Is na riaghailtean agaibh fhèin gan dìon agaibh
Gu sàmhach searbh sèimh
Èibhinn seasgair sàmhach.


Pearse Hutchinson (1927 gu 2012)

Cha robh còir agam feitheamh.
Bha e air a bhith na b' fheàrr
Cadal a dhèanamh 's bruadar
Na bhith coimhead
Air an oidhche dol seachad
Is a' ghealach mhall seo dol foidhp' air mo bheulaibh.

(Akazome Emon)

agus an dealan air falbh san oidhche,
sinn a’ leughadh an cois an teine
gun fhuaim - Kindle